जगदीश सुधीश भवेश विभो परमेश परात्पर पूत पित: ।

प्रणतं पतितं हतबुद्धिबलं जनतारण तारय तापितकम् ।।1।।

गुणहीनसुदीनमलीनमतिं त्वयि पातरि दातरि चापरतिम् ।

तमसा रजसावृतवृत्तिमिमं । जन. ।।2।।

मम जीवनमीनमिमं पतितं मरूघोरभुवीह सुवीहमहो ।

करुणाब्धिचलोर्मिजलानयनं ।जन. ।।3।।

भववारण कारण कर्मततौ भवसिन्धुजले शिव मग्नमत: ।

करुणाञच समर्प्य तरिं त्वरितं । जन. ।।4।।

अतिनाश्य जनुर्मम पुण्यरुचे दूरितौघभरै: परिपूर्णभुव: ।

सुजघन्यमगण्यमपुण्यरुचिं । जन. ।।5।।

भवकारक नारकहारक हे भवतारक पातकदारक हे।

हर शंकर किंकरकर्मचयं । जन. ।।6।।

तृषितश्चिरमस्मि सुधां हित मेऽच्युत चिन्मय देहि वदान्यवर ।

अतिमोहवशेन विनष्टकृतं । जन. ।।7।।

प्रणमामि नमामि नमामि भवं भवजन्मकृतिप्रणिषूदनकम् ।

गुणहीनमनन्तमितं शरणं । जन. ।।8।।